13 ஆவது திருத்தத்தை முழுமையாக அமுலாக்கினால் வெளியேறுவோம்அரசியலமைப்பின் 13 ஆவது திருத்தச் சட்டத்தை முழுமையாக நடைமுறைப் படுத்தினால் அரசாங்கத்திலிருந்து விலகி விடுவோமென ஆளும் ஐக்கிய மக்கள் சுதந்திர முன்னணி அரசாங்கத்தின் பங்காளிக் கட்சிகளில் ஒன்றான ஜாதிக ஹெல உறுமய சார்பில் அக்கட்சியின் கொள்கை வகுப்பாளரும் அமைச்சருமான பாட்டலி சம்பிக்க ரணவக்கவும், மேல் மாகாணசபை அமைச்சர் உதய கம்மன் பிலவும் இணைந்து கொழும்பிலுள்ள தேசிய நூலக ஆவணங்கள் சபை கேட்போர் கூடத்தில் நடத்திய ஊடகவியலாளர் மாநாட்டில் தெரிவித்துள்ளனர்.
13 ஆவது அரசியலமைப்பு திருத்தச் சட்டத்தை முழுமையாக நடைமுறைப்படுத்துவதை நாம் கடுமையாக எதிர்க்கிறோம். இந்தத் திருத்தச் சட்டத்தின் கீழ்வரும் மாகாண சபைகளுக்கான காணி மற்றும் பொலிஸ் அதிகாரங்களை ஒருபோதும் ஏற்றுக்கொள்ள முடியாது. எனவே இச்சட்டத்தை முழுமையாக நடை முறைப்படுத்தினால் நாம் அரசாங்கத்திலிருந்து வெளியேறுவோம். தெரிவித்தனர்
No comments:
Post a Comment