கிளிவெட்டியில் 51 குடும்பங்கள் மீள் குடியேற்றம்மூதூர் கிழக்கு உயர் பாதுகாப்பு வலயம் காரணமாக தமது இருப்பிடங்களை இழந்து கடந்த மூன்று வருடங்களாக மட்டக்களப்பு மாவட்டம் மாவடிவேம்பு, மற்றும் பலாச்சோலை ஆகிய முகாம்களில் தங்கியிருந்த 51குடும்பங்களைச் சேர்ந்த 207பேர் மீண்டும் மீள் குடியமர்த்தப்படுவதற்காக மூதூர் கிளிவெட்டிக்கு அதிகாரிகளினால் அழைத்துச் செல்லப்பட்டார்கள்.
உயர் பாதுகாப்பு வலயம் காரணமாக பாதிக்கப்பட்டுள்ள 841 குடும்பங்களைச் சேர்ந்த 2940 பேர் மட்டக்களப்பு மாவட்டத்திலுள்ள முகாம்களிலும் ,உறவினர்கள் நண்பர்கள் வீடுகளிலும் கடந்த மூன்று வருடங்களுக்கு மேலாக தங்கியிருந்தனர்.இக் குடும்பங்களில் முதற் தொகுதியினர் கடந்த 16-06-2009 ம் திகதி கிரிமுட்டி பண்ணை முகாம் மூடப்பட்டு 56 குடும்பங்களைச் சேர்ந்த 266 பேர் அழைத்துச் செல்லப்பட்டு தற்போது மணற்சேனை இடைத்தரிப்பு முகாமில் தங்க வைக்கப்பட்டுள்ளனர்.
இக் குடும்பங்களைப் பொறுத்தவரை ஏற்கனவே அழைத்துச் செல்வதற்காக அதிகாரிகள் இம்மாத முற்பகுதியல் அம் முகாம்களுக்கு சென்றிருந்த போதிலும் அக் குடும்பங்களினால் தெரிவிக்கப்பட்ட எதிர்ப்பு மற்றும் மறுப்பு காரணமாக அவர்களை அழைத்துச் செல்ல முடியவில்லை என்றும் ,இன்று குறிப்பிட்ட குடும்பங்கள் எவ்வித எதிர்ப்பையோ மறுப்பையோ வெளிப்படுத்தவில்லை என அதிகாரிகள் தெரிவிக்கின்றனர்.
No comments:
Post a Comment