இலண்டனில் தியாகிகள் தினம்
ஈழமக்கள் புரட்சிகர விடுதலை முன்னணி(பத்மநாபா)வின் வெளிநாட்டுப் பிராந்தியத்தினரால் ஆண்டுதோறும் நடாத்தப்படும் ‘தியாகிகள் தினம’ ஜூன் மாதம் ௨0 ம் திகதி, தெற்கு இலண்டனில் நடைபெற்றது. 1990ம் ஆண்டு ஜுன் மாதம், ஈழமக்கள் புரட்சிகர விடுதலை முன்னணியின் (ஈ.பி.ஆர்.எல்.எவ்) செயலாளர் நாயகம் பத்மநாபாவும், கட்சியின் பன்னிரு முன்னணி உறுப்பினர்களும் ஈழத் தமிழ்மக்கள் சம்பந்தமான அரசியல் முன்னெடுப்புகள் பற்றி தமிழகத்தின் சென்னையில் ஒரு வீட்டில் நிராயுதபாணிகளாக கூடிக் கலந்தாலோசித்துக் கொண்டிருந்தபோது புலிகளின் ஏவலாளிகளால் நயவஞ்சகமாக படுகொலை செய்யப்பட்டனர். அந்த நாளையே, படுகொலை செய்யப்பட்டவர்களின் நினைவாகவும், தமிழர்களின் அரசியல் அபிலாஷைகளை வென்றெடுக்க வேண்டும் என்ற ஒரே உன்னத நோக்குடன் முன்வந்து தம் இன்னுயிரைஅர்ப்பணித்த போராளிகளையும்,அரசியல்வாதிகளையும், செயற்பாட்டாளர்களையும், மற்றும் பலியாகிய பொதுமக்களையும், கட்சி பேதமின்றி நினைவு கூரும் முகமாக ‘தியாகிகள் தினம்’ இலங்கையில் வடக்கு - கிழக்கின் பல பகுதிகளிலும், தமிழகத்திலும், இலண்டன், பிரான்ஸ், ஜேர்மனி, சுவிஸ், கனடா ஆகிய வெளிநாடுகளிலும் ஈபிஆர்எல்எவ் கடந்த பத்தொன்பது ஆண்டுகளாக, வருடாவருடம் தொடர்ந்து நடாத்தி வருகின்றனர்.
http://www.sooddram.com/pressRelease/July022009_Eprlf_P.htm
No comments:
Post a Comment