13 வருடங்களாக மகஸின் சிறையில் தமிழ்க் கைதிகள்
பயங்கரவாத தடைச் சட்டத்தின் கீழ் எதுவித விசாரணைகளுமின்றி கடந்த 13 வருடங்களாக மகஸின் சிறைச்சாலையில் தடுத்துவைக்கப்பட்டுள்ள 33 தமிழ் அரசியல் கைதிகள் தமக்குப் பொது மன்னிப்பு வழங்கி விடுதலை பெற்றுத்தருமாறும், பயங்கரவாத தடைச் சட்டத்தின் கீழ் வழக்கு விசாரணை நடத்தப்பட்டு தண்டனை விதிக்கப்பட்டுள்ள ஏழு தமிழ்க் கைதிகளும் தமக்கு பொதுமன்னிப்பு வழங்கி கருணை காட்ட நடவடிக்கை எடுக்குமாறு பிரதியமைச்சர் இராதாகிருஷ்ணனிடம் கோரிக்கை விடுத்துள்ளனர். ஏற்கனவே அநுராதபுரம் சிறையில் வாடும் 25 தமிழ்க் கைதிகள் தமது விடுதலைக்கு உதவ நடவடிக்கை எடுக்குமாறு பிரதியமைச்சரிடம் கோரியுள்ளனர். இது குறித்து பிரதியமைச்சர் சட்டத்தரணிகளுடன் ஆலோசித்துள்ளதுடன் புதிய நீதியமைச்சர் மிலிந்த மொறகொட,பிரதியமைச்சர் வி.புத்திரசிகாமணி ஆகியோரின் கவனத்திற்கும் கொண்டுவந்து அவர்களினூடாக ஜனாதிபதிக்குத் தெரியப்படுத்தியுள்ளதாக குறிப்பிட்டார். இக்கைதிகள் வடக்கு கிழக்கு மலையகப் பகுதிகளைச் சேர்ந்தவர்கள் ஆவர்.
No comments:
Post a Comment