அகதிகள் போர்வையில் அவுஸ்திரேலியாவுக்குள் பிரவேசம்
அகதிகள் என்ற போர்வையில் படகுகள் மூலம் அவுஸ்திரேலியாவுக்குள் விடுதலைப் புலிகள் நுழையலாம் என்ற சந்தேகம் ஏற்பட்டுள்ளதையடுத்து கடந்த 28-06-2009 அன்று 15 படகுகளில சட்டவிரோதமாக அவுஸ்திரேலியாவுக்குள் பிரவேசிக்க முயன்ற 194 பேர் கைது செய்யப்பட்டு விசாரிக்கப்பட்டு வருகின்றனர். அவுஸ்திரேலியாவின் கிறிஸ்மஸ் தீவுக்குள் நுழைந்த இவர்கள் அனைவரும் தமிழர்களாவர். இவ்வாறு சட்டவிரோத குடியேற்ற வாசிகள் பிரவேசிப்பது பாதுகாப்பு அச்சுறுத்தலை ஏற்படுத்தியுள்ளதாக அவுஸ்திரேலிய அதிகாரிகள் தெரிவிக்கின்றனர். இதுவரை 300இலங்கையர் இவ்வாறு கிறிஸ்மஸ்தீவை வந்தடைந்துள்ளதாக தெரிவிக்கப்படுகின்றது. இதேவேளை யுத்தம் காரணமாக தென் ஆசிய நாடுகளிலிருந்து அவுஸ்திரேலியா நோக்கி சட்டவிரோதமான முறையில் புகலிடம் கோரி படையெடுப்போரின் எண்ணிக்கை கடந்த சில காலமாக உயர்வடைந்துள்ளதாக அவுஸ்திரேலிய அரசாங்கம் அறிவித்துள்ளது.
No comments:
Post a Comment