தமிழகத்திற்குள் பயங்கரவாதிகள் ஊடுருவல் : மத்திய உளவுத்துறைஎச்சரிக்கை சென்னை உட்பட தமிழகம் முழுவதும் உள்ள கடலோர மாவட்டங்களில் பயங்கரவாதிகள், விடுதலைப்புலிகள் ஊடுருவியிருக்க வாய்ப்புள்ளதாக, மத்திய உளவுத்துறை எச்சரிக்கை தகவல் அனுப்பியுள்ளது. இதனால், மாநிலம் முழுவதும் போலீசார் உஷார்படுத்தப்பட்டு உள்ளனர். விடுமுறையில் உள்ள போலீசார், பணிக்குத் திரும்ப உத்தரவிடப்பட்டுள்ளது. சென்னை மற்றும் தென் மாவட்டங்களில் உள்ள முக்கிய கோவில்களை தகர்க்க பயங்கரவாதிகள் முயற்சித்து வருகின்றனர். அவற்றை முறியடிக்க போதிய நடவடிக்கைகளை போலீசார் எடுத்து வருகின்றனர். சென்னை நகர் உட்பட தமிழகத்தில் கடலோர பகுதிகள் வழியாக பயங்கரவாதிகள், விடுதலைப்புலிகள் ஊடுருவி இருக்கலாம் என்ற தகவல், மத்திய அரசிடம் இருந்து நேற்று டி.ஜி.பி., அலுவலகத்திற்கு வந்தது. அதையடுத்து, சென்னை நகர் உட்பட, மாநிலத்தில் உள்ள அனைத்து போலீசாரும் உஷார்படுத்தப்பட்டனர். நாகை மாவட்டத்தின் கடலோர கிராமங்களில் நேற்று அதிகாலை முதல் ஏராளமான போலீசார் குவிக்கப்பட்டனர். கிராம மக்களை, அன்னியர்கள் நடமாட்டம் உள்ளதா, படகுகள் புதிதாக ஏதேனும் வந்ததா? என கேள்விகளால் துளைத்தெடுத்தனர். போலீசாருடன் கடலோர காவல் படை, கடலோர பாதுகாப்பு குழுமம், மீன்வளத் துறையினரும் சோதனை மேற் கொண்டனர். கடற்பகுதியில் கடற்படையினரும் தீவிர ரோந்தில் ஈடுபட்டிருந்தனர்.
மேலதி விபரம் …http://www.thenee.com/html/080709-6.html
No comments:
Post a Comment