ஆயுதக் குழுக்களில் இருந்து விடுவிக்கப்பட்ட சிறுவர்களின் நலனையும், பாதுகாப்பையும் உறுதிப்படுத்துமாறு ஐ.நா செயலாளர் பான் கீ மூன் இலங்கை அரசினை கோரியுள்ளார். முக்கியமாக ஆயுதக் குழுக்களில் இருந்து வெளியேறிய சிறுவர்களை அடையாளப்படுத்தல்,விடுதலை,புனர்வாழ்வு என்பனவற்றை உறுதிப்படுத்தி, சர்வதேச தரத்திற்கு அமைவாக அவர்கள் சமூகத்தில் வாழ்வதற்கு ஏற்ற சூழ்நிலையை உருவாக்க வேண்டுமெனவும் அவர் தெரிவித்துள்ளார். ஆயுதக் குழுக்களின் பிடியிலிருந்த சகல சிறுவர் போராளிகளும் விடுவிக்கப்பட்டுள்ளனர் என்பதனை உறுதிப்படுத்த வேண்டியது மிகவும் அவசியமானதெனவும் சிறுவர் போராளிகளுக்கு மறுவாழ்வளித்து சமூகத்துடன் இணைந்து வாழக்கூடிய பின்னணி உருவாக்கப்பட வேண்டுமென்றார் மேலும், அகதி முகாம்களில் வாழும் மக்களுக்குப் பணியாற்ற தொண்டு நிறுவனப் பணியாளர்களுக்கு அனுமதி அளிக்கப்பட வேண்டுமென வலியுறுத்தியுள்ள ஐ.நா செயலாளர் குடும்பங்களிலிருந்து பிரிந்து வாழும் சிறுவர் சிறுமியரது நலன்கள் குறித்தும் கவனம் செலுத்தப்பட வேண்டியதன் அவசியம் பற்றி குறிப்பிட்டார்
No comments:
Post a Comment