வேலையற்ற பட்டதாரிகளின் கவனயீர்ப்பு போராட்டம்
மட்டக்களப்பு நகர் தனியார் பஸ் நிலைய முன்றலில் கடந்த புதன்கிழமை முதல் நூறுக்கும் மேற்பட்ட வேலையற்ற பட்டதாரிகள் தங்களுக்கு வேலை வாய்ப்பு வழங்கக் கோரி தொடர்ச்சியாக கவனயீர்ப்பு போராட்டத்தில் ஈடுபட்டுள்ளனர். இவர்களை நேரில் சென்று சந்தித்து உரையாடிய கிழக்கு மாகாண முதலமைச்சர் போரட்டத்தின் நியாயத்தை ஏற்றுக் கொண்டுள்ள போதும் மாகாணசபையின் தற்போதைய நிலைமை காரணமாக தன்னால் எதுவித உறுதி மொழியையும் வழங்க முடியாதுள்ளதாக கிழக்கு மாகாண வேலையற்ற பட்டதாரிகள் சங்கத்தின் தலைவர் கே. ஜேயராஜா தெரிவித்துள்ளார். மேலும் முதலமைச்சர் வேலையற்ற பட்டதாரிகளின் பிரச்சினையை ஜனாதிபதியின் கவனத்திற்கு கொண்டு வருவது பற்றியும்,மத்திய அரசாங்கத்தினால் வழங்க உத்தேசிக்கப்பட்டுள்ள விவசாய அபிவிருத்தி ஆராய்ச்சி உத்தியோகத்தர் மற்றும் மாகாண சபையினால் வழங்க உத்தேசிக்கப்பட்டுள்ள குடியேற்ற அதிகாரி போன்ற வேலை வாய்ப்புகளில் பட்டதாரிகளுக்கு முன்னுரிமையளிப்பது தொடர்பாக கவனம் செலுத்துவது பற்றியும் தெரிவித்துள்ளார்.
No comments:
Post a Comment