நடமாடும் சேவையில் 3000 மாணவர்களுக்கு அஞ்சல் அடையாள அட்டைகள்
பொது நிர்வாக உள்நாட்டலுவல்கள் அமைச்சின் அனுசரணையுடன் வவுனியாவில் சனி, ஞாயிறு தினங்களில் நடத்தப்பட்ட நடமாடும் சேவையில் அஞ்சல் தொலைதொடர்பு திணைக்களம் 3000 பாடசாலை மாணவர்களுக்கு அஞ்சல் திணைக்கள அடையாள அட்டைகள் வழங்கியது. வடக்கின் வசந்தம் திட்டத்தின் கீழ் இந்த நடமாடும் சேவை நடத்தப்பட்டதாகப் தெரிவித்த பிரதி அமைச்சர் செல்லச்சாமி பொதுமக்கள் எதிர்நோக்கிய தொலை தொடர்பு துறைசார்ந்த பல பிரச்சினைகளுக்குத் தீர்வு காணப்பட்டதாகவும் இடம்பெயர்ந்து வந்து இடைத்தங்கல் முகாம்களில் தங்கியுள்ள மக்களின் வசதிக்காக 30 தொலைபேசிகள் இடைத்தங்கல் முகாம்களுக்கு வழங்கப்பட்டுள்ளன. மேலும் 25 தொலைபேசிகளை வழங்க தொலை தொடர்பு திணைக்களம் முன்வந்துள்ளது. இடம்பெயர்ந்துள்ள மக்கள அஞ்சல் நிலையங்களின் ஊடாக பல்வேறு சேவைகளைப் பெற்றுக் கொள்வதற்காகவும் இடைத்தங்கல் முகாம்களில் 3.4 மில்லியன் ரூபா செலவில் 8 அஞ்சல் அலுவலகங்கள் அமைக்கப்பட்டு முழு அளவிலான தபால் சேவைகள் நடைபெற்று வருகின்றன. 200 பேர் இடம்பெயர்ந்த நிலையங்களில் உள்ள அஞ்சல் அலுவலகங்களில் பணியாற்றி வருகின்றனர். இந்த நடமாடும் சேவையில் பிரதி அமைச்சரின் அந்தரங்கச் செயலாளர், அஞ்சல்மா அதிபதி கே.எம்.பி. திசாநாயக்க, நிர்வாகத்திற்குப் பொறுப்பான பிரதி அஞ்சல்மா அதிபதி அசோகா மாம்பிட்டிஆராச்சி, வடமாகாணத்திற்கான பிரதி அஞ்சல் மா அதிபதி வீ.குமரகுரு, வவுனியா அஞ்சல் அத்தியட்சகர் எஸ்.ஜெபரட்ணம், சிறிலங்கா டெலிகொம் நிறுவனத்தின் பிரதி முகாமையாளர் எஸ்.கணேஷ், மாகாண முகாமையாளர் யோகேந்திரன் ஆகியோர் கலந்து கொண்டனர்
No comments:
Post a Comment