சர்வகட்சி பிரதிநிதிகள் குழு மாத இறுதிக்குள் யோசனையை சமர்ப்பிக்கும்
சர்வகட்சிப் பிரதிநிதிகள் குழு இம்மாதம் முடிவடைவதற்குள் தனது யோசனையை கையளிக்கவுள்ளதாக அக்குழு வட்டாரங்கள் தெரிவித்தன. ஜனாதிபதி தேர்தலின் பின் அரசியல் தீர்வை முன்வைக்கப்போவதாக ஜனாதிபதி ராஜபக்ஷ அண்மையில் இந்துப் பத்திரிகைக்கு அளித்த பேட்டியின்போது தெரிவித்திருந்தார். இந் நிலையில் தீர்வு யோசனையை மக்கள் முன்வைத்து மக்கள் ஆணையைப் பெற்றுக்கொள்வதற்காக தீர்வு யோசனையை சமர்ப்பிக்குமாறு சர்வகட்சி பிரதிநிதிகளிடம் கேட்டிருப்பதாக அந்த வட்டாரங்கள் மேலும் தெரிவித்தன. இதனையடுத்து கடந்த செவ்வாய்க்கிழமை கூடிய சர்வகட்சிப் பிரதிநிதிகள் குழு இந்த மாதத்திற்குள் கூட்டங்களை கூட்டி தீர்வுத்திட்டத்தை சமர்ப்பிப்பதென தீர்மானித்திருக்கிறது. எதிர்வரும் 30 ஆம் திகதிக்கு முன் வாரத்துக்கு இரு கூட்டங்களை நடத்தி யோசனையை பூர்த்தி செய்வதென தீர்மானிக்கப்பட்டுள்ளது.
No comments:
Post a Comment