கிடைத்த வாய்ப்பை இலங்கை அரசு பயன்படுத்த வேண்டும் : எஸ்.எம்.கிருஷ்ணா
இலங்கையில் விடுதலைப்புலிகளுடனான போர் முடிவுக்கு வந்துள்ளதை, அந்த நாட்டை மறுசீரமைப்பதற்கு கிடைத்த வாய்ப்பாக இலங்கை அரசு பயன்படுத்திக்கொள்ள வேண்டும். போரினால் இடம் பெயர்ந்த தமிழர்கள், மீண்டும் தங்கள் சொந்த ஊரில் குடியமர்த்தப்பட இந்தியா முழு ஒத்துழைப்பை வழங்கும். இதற்காக 500 கோடி ரூபாவை வழங்க முடிவு செய்யப்பட்டுள்ளது. தேவைப்பட்டால் கூடுதல் நிதி உதவி வழங்கப்படுமென டில்லி மேல் சபையில் அறிக்கையொன்றை தாக்கல் செய்து பேசிய இந்திய வெளியுறவுத்துறை அமைச்சர் எஸ்.எம். கிருஷ்ணா தெரிவித்துள்ளார். மேலும் இலங்கை இந்திய அரசிடம் உறுதியளித்தபடி, சிறுபான்மை தமிழர்களுக்கு அர்த்தமுள்ள அதிகார பகிர்வு வழங்குவதற்கு தேவையான அரசியல் நடவடிக்கையை தொடங்க வேண்டும் என்றார்.இந்த வகையில், இந்தியாவுடன் ஏற்கனவே செய்து கொண்ட ஒப்பந்தப்படி, இலங்கை அரசியல் சட்டத்தின் 13ஆவது திருத்தத்தை அமுல்படுத்துவதற்காக தமிழர்கள் கட்சி உட்பட அனைத்துக் கட்சிகளுடனும் விரிவான பேச்சுவார்த்தையை மேற்கொள்ள வேண்டும் என்றார்
No comments:
Post a Comment