Tamil News Web

பாதாள உலக கும்பலை ஒழிக்கும் நடவடிக்கையில் பொலிஸ், இராணுவம்- அரசியல்வாதிகள் தலையிடக்கூடாது - ஜனாதிபதி

பாதாள உலகக் கும்ப லைக் கட்டுப்படுத்துவதற்காகப் பாதுகாப்புப் படையினர் ஆரம்பித்துள்ள நடவடி க்கைகளுக்கு இடையூறு ஏற்படும் வகையில் தலையிட வேண்டாமென ஜனாதிபதி மஹிந்த ராஜபக்ஷ அரசியல்வாதிகளுக்கு அறிவுறுத்தியுள்ளார்.

மக்களுக்குத் துன்பத்தை ஏற்படுத்தும் வகையில் பல்வேறு சட்டவிரோத செயற் பாடுகளில் ஈடுபடும் பாதாள உலகக் கும்பலை முற்றாக ஒழித்துக் கட்டுமாறு படையினருக்கும் பொலிஸாருக்கும் பணிப்புரை வழங்கியுள்ளதாகக் குறிப்பிட்டுள்ள ஜனாதிபதி, அதற்கு இடையூறை ஏற்படுத்தும் வகையில் எந்தத் தலையீட்டையும் மேற்கொள்ளக் கூடா தெனக் கேட்டுக்கொண்டுள்ளார்.

அமைச்சரவையில் இது பற்றிக் கருத்துத் தெரிவித்துள்ள ஜனாதிபதி,பாதாள உலகத்தினரையும், போதைப்பொருள் வியாபாரத்தையும் ஒழித்துக் கட்டுவதற்கு சகலரும் ஒத்துழைப்பு வழங்க வேண்டுமெனக் கேட்டுக் கொண்டுள்ளார்.

கொழும்பு நகரின் பல பிரதேசங்களில் பாதாள உலகக் கும்பல்கள் ஆறு இனங் காணப்பட்டுள்ளதாகவும் அவற்றின் தலைவர்களையும் சகாக்களையும் தேடி விசேட பொலிஸ், இராணுவப் பிரிவினர் ஈடுபடுத்தப் பட்டுள்ளதாகப் பிரதிப் பொலிஸ் மா அதிபர் அநுர சேனநாயக்க தெரிவித்துள்ளார்.

மாளிகாவத்தை பகுதியில் கொலை, கப்பம், கொள்ளைச் சம்பவங்களில் ஈடுபட்டு வந்த இம்தியாஸ் கொல்லப்பட்டதன் பின்னர் பாதாள உலகக் கும்பல் மத்தியில் ஒருவித கொந்தளிப்பு நிலை தோன்றியுள்ளதாகத் தெரிவித்துள்ள பொலிஸ் வட்டாரங்கள், கொழும்பு, பொரளை, பேலியகொடை, தெமட்டகொடை, நுகேகொடை உள்ளிட்ட பிரதேசங்களில் தமது பலத்தைக் காண்பித்து வந்த 20, 30, பாதாள உலகக் குழுவினர் இருப்பிடத்தைவிட்டு வெளியேறி தலைமறைவாகியிருப்பதாகவும், அவர்களைத் தேடி வலை விரித்துள்ளதாகவும் தெரிவித்துள்ளன