மாணவியை விடுவிக்க கோரி மட்டக்களப்பில் ஆர்ப்பாட்டம்
மட்டக்களப்பில் பாடசாலைக்குச் சென்றிருந்தவேளை மர்மமான முறையில் காணாமல் போன கோட்டைமுனை கனிஷ்ட வித்தியாலய மாணவி சதீஸ்குமார் தினுஷ்கா(08) வை விடுதலை செய்யக் கோரி பெற்றோர் மற்றும் பாடசாலை நலன் விரும்பிகள் இன்று நண்பகல் ஆர்ப்பாட்டத்தில் ஈடுபட்டனர். காணாமல் போன இச்சம்பவம் குறித்து உறவினர்கள் பொலிசில் முறைப்பாடு செய்திருந்தனர்.இதை பொலிசார் பாடசாலை வரவு இடாப்பின் மூலம் உறுதிப்படுத்தியுள்ளனர். இச் சம்பவத்தைக் கண்டித்தும், கடத்தப்பட்டிருந்தால் விடுவிக்கப்பட வேண்டும் என்ற கோரிக்கையை வலியுறுத்தும் வகையிலும் பதாதைகளை ஏந்தியவாறு பாடசாலைக்கு அண்மித்த வீதிகள் வழியாக பேரணியொன்றையும் நடத்தினர்.
இதேவேளை மட்டக்களப்பு சிவானந்தா தேசிய பாடசாலையில் 7 ஆம் வகுப்பில் கல்வி பயிலும் வாகரையைச் சேர்ந்த ஏரம்பமூர்த்தி ஜனாத்காந்த் (12 ) என்ற மாணவனும் நேற்று மாலை முதல் மர்மமான முறையில் காணாமல் போயுள்ளார். இவர் கல்லடியிலுள்ள தனது உறவினர் வீட்டில் தங்கியிருந்து கல்வி பயின்று வந்ததாகவும் நேற்று மாலை தனியார் வகுப்பிற்கு சென்று வீடு திருத்மபவில்லை என உறவினர்கள் காத்தான்குடி பொலிஸில் முறைப்பாடு செய்துள்ளனர்
No comments:
Post a Comment