மட்டக்களப்பில் இரண்டாவது நாளாகவும் ஆர்ப்பாட்டமமட்டக்களப்பில் நேற்று முன்தினம் கோட்டைமுனை கனிஷ்ட கோட்டமுனை கனிஷ்ட வித்தியாலய மூன்றாம் தர மாணவியான சதீஸ்குமார் தினுஷிகா (8 வயது) மர்மமான முறையில் காணாமல் போயுள்ளார்.
இதேவேளை ஏறாவூர் 5 ஆம் குறிச்சியைச் சேர்ந்த ஏறாவூர் விபுலானந்த வித்தியாலய மாணவனான வள்ளுவன் விஜயன் (15) கடந்த ஞாயிற்றுக்கிழமை காலை முதல் காணாமல் போயுள்ளார்.
இதேசமயம், கல்லடி சிவானந்தா வித்தியாலயத்தில் 7 ஆம் தரத்தில் கல்விகற்கும் வாகரையைச் சேர்ந்த ஏரம்பமூர்த்தி ஜனார்த்தனன் (12) என்ற மாணவன் கடந்த 28-04-2009 முதல் காணாமல் போயுள்ளார்;.
இவர்கள் காணாமல் போயுள்ளமை மாணவர்கள், மற்றும் பெற்றோர்கள் மத்தியில் அச்சமும், பீதியும் ஏற்பட்டுள்ளது. அடுத்தடுத்து இந்த மூன்று மாணவர்களும் காணாமல் போயுள்ளதால் இவர்கள் கடத்தப்பட்டிருக்கலாமெனக் கூறும் மாணவர்களும் பெற்றோர்களும் இதற்கெதிராக நேற்றும் இன்றும் கோட்டமுனை கனிஷ்ட வித்தியாலயத்தின் முன்பாக ஆர்ப்பாட்டத்தில் ஈடுபட்டனர்.
No comments:
Post a Comment