Tamil News Web

காணாமல்போன யுவதி சடலமாக மீட்பு

மட்டக்களப்பில் கடந்த ஒன்றரை மாதங்களுக்கு முன் காணாமல்போன ஆறுமுகம் வனஜா (24) வாகரையைச் சேர்ந்தவர் படுகொலை செய்யப்பட்ட நிலையில் மீட்கப்பட்டுள்ளார். நேர்முகப் பரீட்சைக்காக கடந்த மார்ச் மாதம் 24ம் திகதி வாழைச்சேனைக்கு அழைத்து வரப்பட்டதாகத் தெரிவிக்கப்படுகிறது. இக் கொலையில் சம்பந்தப்பட்டவர் என சந்தேகத்துக்கிடமான நபரை விசாரணை செய்ததில் இவர் இப் பெண்ணை காதலித்ததாகவும் இவரே வாழைச்சேனைக்கு அழைத்து வந்ததாகத் தெரிவிக்கப்படுகிறது. யுவதியின் பெற்றோரால் மேற்கொள்ளப்பட்ட முறைப்பாட்டை தொடர்ந்தே சந்தேகநபர் விசாரணைக்கு உட்படுத்தப்பட்டுள்ளார். அதன் பின்னர் யுவதியின் சடலம் புதைக்கப்பட்டிருந்தமை கண்டுபிடிக்கப்பட்டது.