Tamil News Web

புலிகளின் தலைவர் பிரபாகரன், பொட்டுஅம்மான், சூசை ஆகியோர் இராணுவத்தினரின் தாக்குதலில் கொல்லப்பட்டார்கள்.

முல்லைத்திவு வெள்ளிமுள்ளிவாய்க்கால் பகுதியில் தேடுதல் நடவடிக்கையில் ஈடுபட்டிருந்த பாதுகாப்புப் படையினர், இன்று (18) புலிகளின் தலைவர் வே. புpரபாகரன், புலனாய்புத்துறை தலைவர் பொட்டுஅம்மான், கடற்படை தளபதி சூசை ஆகியோர் அம்புலன்ஸ் வாகனத்தில் தப்பிச் சென்ற வேளை இராணுவத்தினரின் தாக்குதலில் கொல்லப்பட்டதாக பாதுகாப்புத்தரப்பு செய்திகள் தெரிவிக்கின்றன.

இத்தாக்குதலையடுத்து அந்தப் பகுதியில் தேடுதல் மேற்கொண்டு வரும் படையினர் சடலங்களை அடையாளம் காணும் முயற்சியில் ஈடுபட்டுள்ளதாகவும் தெரிவிக்கப்படுகிறது. விடுதலைப் புலிகளின் தலைவர் வே.பிரபாகரன் இராணுவத்தினரால் சுட்டுக்கொல்லப்பட்டிருப்பதாக பாதுகாப்பு அமைச்சின் அதிகாரி ஒருவர் தெரிவித்ததாக சர்வதேச செய்திச் சேவையான ஏ.எப்.பி. செய்தி வெளியிட்டுள்ளது. புலிகள் தப்பிச்சென்ற வாகனம் பாதுகாப்பு வலயத்திலிருந்து வெளியேற முற்பட்டபோதும், இராணுவத்தினரின் துப்பாக்கிக்கிச்சூட்டுத் தாக்குதலில் அவ்வாகனம் தீப்பிடித்ததாக அந்த அதிகாரி தெரிவித்துள்ளார்.
இலங்கை முழுவதும் பயங்கரவாதிகளின் பிடியிலிருந்து மீட்கப்பட்டிருப்பதாகவும், பயங்கரவாதிகளிடமிருந்து மீட்கும் நடவடிக்கை முடிவடைந்திருப்பதாகவும் இராணுவத் தளபதி லெப்டினட் ஜென்ரல் சரத் பொன்சேகா அரச தொலைக்காட்சிக்குத் தெரிவித்துள்ளார் இதேவேளை, விடுதலைப் புலிகளின் தலைவர் பிரபாகரன் கொல்லப்பட்ட செய்திகள் வெளியாகியுள்ளமையைத் தொடர்ந்து கொழும்பின் பல்வேறு பகுதிகளில் பட்டாசுகள் கொழுத்தப்பட்டன. பல்வேறு இடங்களில் இனிப்புக்களும் பால் பொங்கல்களும் வழங்கி மக்கள் கொண்டாடியதைக் காணக் கூடியதாகவிருந்தது.