Tamil News Web

ஜனநாயக தமிழ் தேசியகூட்டமைப்பின் தேர்தல் பிரச்சாரக் கூட்டம்

யாழ் பெருமாள் கோவிலடியில் 07.07.2009 ல் பத்மநாபா ஈபிஆர்எல்எப், தமிழர் விடுதலை கூட்டணி, புளொட் ஆகிய மூன்று கட்சிகளின் கூட்டணியான ஜனநாயக தமிழ் தேசிய கூட்டமைப்பின் தேர்தல் பிரச்சாரக் கூட்டம் யாழ் மாநகரசபை வேட்பாளர் தோழர் மோகன் தலைமையில் நடைபெற்றது. இங்கு அப்பிரதேசத்திலிருந்த பெண்கள் பெருமளவானோர் கலந்து கொண்டனர். பத்மநாபா ஈ.பி.ஆர்.எல்.எவ் இன் பொதுச்செயலாளரும் யாழ் மாநகரசபை வேட்பாளருமான ஸ்ரீதரன் தமிழ் மக்கள் தமது அலுவல்களை தாமே பார்த்துக் கொள்ளும் விதமாக பிராந்திய மட்டத்தில் அதிகாரங்கள் பகிர்ந்தளிக்கப்பட வேண்டும், வீதித் தடைகள் சோதனைச் சாவடிகள் அகல வேண்டும் மக்களின் நடமாடும் சுதந்திரம் உறுதிப்படுத்தப்பட வேண்டும். மக்கள் பயத்திலிருந்து விடுபடவேண்டும் ஜனநாயக சூழல் ஸ்தாபிக்கப்பட வேண்டும். வன்னி மக்கள் சுதந்திரமாகவும் கௌரவமாகவும் சுயமரியாதையுடனும் வாழும் விதமாக தமது சொந்தப் பிரதேசங்களில் வாழவிடவேண்டும் என்று வலியுறுத்திப் பேசினார்.மேலும் நீண்ட பல வருடங்களின் பின்னர் உங்களுடன் மனந்திறந்த ஒரு கருத்துப்பகிர்வை மேற்கொள்வது மன நிறைவை ஏற்படுத்துவதாகவும், இந்த பெருமாள் கோவில் சுற்றாடலில் வசிக்கும் மக்கள் எம்மை உபசரித்து போசித்தவர்கள் என்பதையும் நனறியுடன் நினைவு கூர்ந்தார். காலத்துயர் எம்மை வாட்டுகிறது. மக்களின் தியாகங்களை அர்த்தமுள்ளதாக்கும் வகையிலான அமைதித் தீர்வு எமக்கு கிட்டவேண்டும் என்றார்பத்மநாபா ஈபிஆர்எல்எவ் இன் யாழ் பிராந்திய செயலாளரும், யாழ் மாநகரசபை வேட்பாளரும் திரு சிவராஜா (மோகன்) உரையாற்றுகையில் நாங்கள் மக்கள் மத்தியில் நெருக்கமாக செயற்பட்டு வந்தவர்கள் ஆனால் குறிப்பிட்ட காலப் பகுதியில் இங்கு நிலவிய ஜனநாயமற்ற சூழல் நாங்கள் மக்களுடன் நெருக்கமான தொடர்புகளை கொண்டிருப்பதற்கான வாய்ப்புக்கள் இல்லாது போயின இந்தப் பகுதியில் எமது அரசியல் விடுதலைப் பணிகளை முன்னெடுத்து இருக்கின்றோம் இந்த பணியில் இதே இடத்தைச் சேர்ந்த தோழர் ஈஸ்வரன் உட்பட பலர் தமது உயிரை அர்ப்பணித்துள்ளனர்;. பல ஆண்டுகளுக்குப் பின் இப்போது மீண்டும் உங்களுடன் சுதந்திரமாக கலந்துரையாடும் சந்தர்ப்பம் கிடைத்துள்ளது.வன்னிமக்கள் துன்பங்களை சுமந்துகொண்டு முகாங்களில் வாழ்கையில் இத்தேர்தல் தேவையா? என்ற கேள்வி மக்கள் மத்தியில் எழுவதை அவதானிக்கக் கூடியதாயுள்ளது. ஏனெனில் எமது மக்களின உற்றம் சுறறம் உறவுகள் முகாம்களில் பல்வேறு துன்பங்கள் பற்றாக்குறைகளுடன் வாழ்கிறார்கள். இதனால் தான் நாமும் இத் தேர்தலை ஒத்திவைக்குமாறு அரசைக் கேட்டிருந்தோம். ஆனால் அது நடைபெறவில்லை. எனினும் மாநகரசபை என்பது இந்த நகரப் பகுதியில் வாழும் மக்களின் அன்றாட தேவைகள், அத்தியாவசிய சேவைகள் கடமைகளுடன் தொடர்புபட்டது. .இவற்றை செவ்வனே நிறைவேற்ற மக்களால் தெரிவுசெய்யபப்ட பிரதிநிதிகள் மாநகரசபையி;;ல் இருக்க வேண்டும். அந்த வகையில் மாநகரசபைத் தேர்தலில் நாம் பங்கு பற்ற தீர்மானித்தோம்.தமிழர் விடுதலை கூட்டணியின் மாவட்ட அமைப்பாளரும் யாழ் மாநகரசபை வேட்பாளருமான திரு.சங்கையா தந்தை செல்வாவின் அகிம்சை வழிகாட்டலில் அகிம்சை இயக்கமாக ஆரம்பிக்கப்பட்டது தமிழர் விடுதலைக் கூட்டணி. இன்று அதன் தலைவராக இருக்கும் முதன்மை வேட்பாளரான திரு ஆனந்தசங்கரி அவர்கள் இந்திய முறையிலான அதிகாரப் பகிர்வை தொடர்ந்து வலியுறுத்தி வருபவா.; இன்று வன்னிமக்கள் அனுபவிக்கும் துன்பங்களுக்கும்,; இழப்புக்களுக்கும் யார் காரணம் என்பதை மக்கள் விளங்கிக் கொள்ளவேண்டும் . இஙகு ஆட்கள் காணாமல் போயிருக்கிறார்கள். நாம் சிலரை விடுவிக்க உதவியிருக்கிறோhம். எமது தலைவர் ஆனந்த சங்கரி அஹிம்சைக்கும், சகிப்புத்தன்மைக்குமான மன்ஜித்சிங் விருதைப் பெற்றவர்..அவரின் தலைமையில் எமது உரிமைகளை வென்றெடுப்போம். கூட்டணியின் உதய சூரியன் சின்னத்திற்கு எதிர்வரும் மாநகரசபைத் தேர்தலில் பேராதரவை வழங்குமாறு கேட்டுக் கொண்டார்.பத்மநாபா ஈழமக்கள் புரட்சிகர விடுதலை முன்னணியின் யாழ் பிராந்திய கமிட்டி உறுப்பினரும் வேட்பாளருமான தோழர் ஜெயக்குமாரன-; (கங்கா) மாதர் சங்க செயற்பாட்டாளரான வேட்பாளர் சர்மிளா மற்றும் புளொட் அமைப்பின் பிரதிநிதிகளும் இங்கு பிரசன்னமாகியிருந்தனர்.