உங்கள் உறவுகள் சொந்த வாழ்விடங்களுக்கு திரும்ப இந்தியா நடவடிக்கை மேற்கொள்ளும்- இந்தியத் தூதுவர்யாழ்ப்பாணத்துக்கு விஜயம் செய்த இந்தியத் தூதரகத் தூதுக்குழு பருத்தித்துறையிலுள்ள ஸ்ரீராமகிருஷ்ண சாரதா சேவா ஆச்சிரமத்திற்கு விஜயம் மேற்கொண்டது. ராமகிருஷ்ண சாரதா சேவா ஆச்சிரமத்தில் சுவாமி சித்ரூபானந்தா தலைமையில் இடம்பெற்ற நிகழ்வில் குரு பூர்ணிமா மலரை இந்தியத் தூதுவர் வெளியிட்டு வைத்தார். யாழ் அரச அதிபர் கணேஷ் இதில் கலந்து கொண்டார். இங்கு உரையாற்றிய தூதுவர் ஆலோக் பிரசாத் சுவாமி சித்ரூபானந்தா யாழ். வருமாறு பல தடவை அழைப்பு விடுத்து வந்தார். தற்போது அவரின் விருப்பத்தின் பேராலும், தியானத்தாலும் அது நிறைவேறியுள்ளது. நலன்புரி நிலையங்களில் உள்ள உங்கள் உறவுகள் விரைவில் சொந்த வாழ்விடங்களுக்குத் திரும்பி கௌரவமாக வாழ்வதற்கு நடவடிக்கைகளை இலங்கை அரசுடன் இணைந்து இந்தியா மேற்கொள்ளும் என்றார் யாழ். குடாநாட்டு மக்களின் தேவைகளையும் விருப்பங்களையும் அறிந்து, இந்தியா அதற்கு எவ்வாறு உதவமுடியும் என்பதை அறிந்து செயற்பட உள்ளது. என்றும் யாழ். நகரில் கலாசார நிலையம் ஒன்றினை அமைப்பதற்கு இந்தியா உதவும் எனவும் குறிப்பிட்டார்
No comments:
Post a Comment