மட்டு. மாவட்டத்தில் ஏழு பேர் காணாமல் போயுள்ளதாக முறைப்பாடு
மட்டக்களப்பு மாவட்டத்தில் கடந்த மாதம் காணாமல் போயுள்ளதாக உறவினர்களால் சர்வதேச செஞ்சிலுவைச்சங்கம், தேசிய மனித உரிமைகள் ஆணைக்குழு, நாடாளுமன்ற உறுப்பினர்கள் ஆகியோரிடம் முறைப்பாடு செய்யப்பட்டுள்ளதாக தெரிவிக்கப்படுகிறது.17.06.2009 அன்று மண்டூரைச் சேர்ந்த வி.ஜெனிஸ்காந்தன்(18) என்பவர் வீட்டிலிருந்த வேளை இனந்தெரியாதவர்களால்; அழைத்துச் செல்லப்பட்டு காணாமல் போயுள்ளார். 17.06.2009 அன்று மண்டூரைச் சேர்ந்த ஏ.சசிக்குமார் (23) என்பவர் வீட்டிலிருந்து மட்டக்களப்பு நகரிலுள்ள மக்கள் வங்கிக் கிளைக்கு சென்றவர் காணாமல் போயுள்ளார். 18.06.2009இல் செங்கலடி பிரதேசம் அம்மன் நகரைச் சேர்ந்த சிவராசா மரியதாஸ் (29) என்பவரும் காணாமல் போயுள்ளார். 22.06.2009இல் ஆயித்தியமலையில் செல்லையா சசிதரன் (23) என்பவர் வீட்டிலிருந்த வேளை வெள்ளை வானில் வந்தவர்களால் அழைத்துச் செல்லப்பட்டு காணாமல் போயுள்ளார். அன்றைய தினம் மாவடிவேம்பைச் சேர்ந்த சதாசிவம் ரஞ்சன் (36) மற்றும் எஸ்.பெருமாள் ஆகியோர் இனந்தெரியாத நபர்களினால் கடத்தப்பட்டு காணாமல் போயுள்ளனர். 26.06.2009இல் செங்கலடியில் சுப்பிரமணியம் சகாதேவன் (18) என்பவரும் வீதியில் வைத்துக் கடத்தப்பட்டு காணாமல் போயுள்ளார்.
No comments:
Post a Comment