Tamil News Web

சர்வதேச செஞ்சிலுவை சங்கம் தமது பணிகளை குறைத்துக்கொள்ள தீர்மானம்

இலங்கை அரசாங்கத்தின் வேண்டுகோளின் பேரில் சர்வதேச செஞ்சிலுவை சங்கம் தமது பணிகளை குறைத்துக் கொள்ள இருப்பதாக ஐ.சி.ஆர்.சியின் இலங்கைக்கான பேச்சாளர் சரசி விஜேரட்ண தெரிவித்துள்ளார். இதன் பிரகாரம் கிழக்கு மாகாணத்தில் மட்டக்களப்பு மற்றும் திருகோணமலை அலுவலகங்களும் அக்கரைப்பற்று, மூதூர் ஆகிய உப அலுவலகங்களும் மூடப்படவுள்ளதுடன் அதன் வெளிநாட்டு ஊழியர்களையும் அங்கிருந்து மீளப் பெற்றுக் கொள்கிறது. இது தொடர்பாக ஜெனிவா தலைமையகம் விடுத்துள்ள அறிக்கையில் இலங்கை அரசுக்கும் தமிழீழ விடுதலைப் புலிகளுக்குமிடையே இடம்பெற்ற தீவிர மோதல் முடிவுக்கு வந்ததைத் தொடர்ந்து தமது பணிகளை குறைத்துக் கொள்ளும்படி செஞ்சிலுவை சர்வதேசக் குழுவை இலங்கை அரசாங்கம் கேட்டுக் கொண்டுள்ளது. 1989 முதல் இலங்கையில் சர்வதேச செஞ்சிலுவைச் சங்கம் நிரந்தர பிரசன்னமாகி இருந்துள்ளது. மாறி வரும் தேவைகளுக்கேற்ப கடந்த பல வருட காலங்களாக சர்வதேச செஞ்சிலுவைச் சங்கத்தின் பங்களிப்பு இந்நாட்டில் இருந்து வந்துள்ளது. 1980 களின் இறுதிப் பகுதியில் இருப்பினும் மனிதாபிமான நிலைவரங்கள் தொடர்பில் சர்வதேச செஞ்சிலுவைச் சங்கம் தொடர்ந்தும் இலங்கை அரசாங்கத்துடன் பேச்சுக்களை நடாத்திக் கொண்டிருக்கும் என தெற்காசிய நாடுகளுக்கான சர்வதேச செஞ்சிலுவைச் சங்க நடவடிக்கைகளுக்குப் பொறுப்பான ஜாக் டி மாய்ஓ கூறுகின்றார்.